ကွယ်လွန်သွားသည့်ပိုင်ရှင်၏ အိမ် နှင့် မြေ သို့မဟုတ် မြေကွက်ကို အမွေဆိုင်များက ရောင်းချခြင်း၊ငှားရမ်းခြင်း ပြုလုပ်လိုပါက လိုက်နာဆောင်ရွက်ရန် နည်းလမ်း

📌ကွယ်လွန်သွားသည့်ပိုင်ရှင်၏ အိမ် နှင့် မြေ သို့မဟုတ် မြေကွက်ကို အမွေဆိုင်များက ရောင်းချခြင်း၊ငှားရမ်းခြင်း ပြုလုပ်လိုပါက လိုက်နာဆောင်ရွက်ရန် နည်းလမ်း📌

ကွယ်လွန်သူ၏ အိမ်၊ မြေကို အမွေဆိုင်များ ရောင်းချ/ငှားရမ်းလိုပါက (၁) အမွေဆက်ခံကြောင်း တရားရုံးမှ အမွေထိန်း/အမွေဆက်ခံကြောင်း စီရင်ချက် (Succession Certificate) ကို ဦးစွာလျှောက်ထားရယူပါ။ (၂) အမွေဆိုင်အားလုံး၏ သဘောတူညီချက်ရယူ၍ ကိုယ်စားလှယ်လွှဲစာ (GPA) ပြုလုပ်ပါ။ (၃) အမွေဆိုင်များအားလုံး (သို့မဟုတ်) တရားဝင်ကိုယ်စားလှယ်က လက်မှတ်ရေးထိုးပြီး၊ အရောင်းအဝယ်စာချုပ်ကို မှတ်ပုံတင်ရုံးတွင် မှတ်ပုံတင်ရောင်းချခြင်း (သို့) ငှားရမ်းခြင်း စာချုပ်ချုပ်ဆိုခြင်းဖြင့် စနစ်တကျဆောင်ရွက်နိုင်သည်။

လိုက်နာဆောင်ရွက်ရန် နည်းလမ်းများ

၁။ အမွေဆက်ခံကြောင်း အထောက်အထား (Succession Certificate) လျှောက်ထားခြင်းအမွေဆိုင်များက သက်ဆိုင်ရာ တရားရုံးတွင် သေဆုံးသူ၏ အမွေဆက်ခံသူများဖြစ်ကြောင်း တရားဝင်အမိန့် (Succession Certificate) ကို ဦးစွာလျှောက်ထားရယူရပါမည်။ ဒါမှသာ မြေပုံ/မြေရာဇဝင် အမည်ပြောင်းခြင်း၊ အရောင်းအဝယ်ပြုလုပ်ခြင်းများ လုပ်ဆောင်နိုင်မည်။

၂။ အမွေဆိုင်များအားလုံး၏ သဘောတူညီချက်ရယူခြင်းအမွေဆိုင်များအားလုံး (ဇနီး/ခင်ပွန်း၊ သားသမီးများ) ၏ သဘောတူညီချက်သည် မဖြစ်မနေလိုအပ်ပါသည်။ တစ်ဦးတစ်ယောက်မှ ကန့်ကွက်ပါက အရောင်းအဝယ် (သို့) ငှားရမ်းခြင်းကို မလုပ်ဆောင်သင့်ပါ။

၃။ ကိုယ်စားလှယ်လွှဲစာ (GPA) ထုတ်ယူခြင်း (လိုအပ်လျှင်)အမွေဆိုင်များထဲမှ တစ်ဦး (သို့မဟုတ်) အပြင်လူတစ်ဦးဦးကို ရောင်းချ/ငှားရမ်းခွင့်ပြုရန်အတွက် ကိုယ်စားလှယ်လွှဲစာ (General Power of Attorney - GPA) ကို မှတ်ပုံတင်ရုံးတွင် တရားဝင်ပြုလုပ်ရပါမည်။

၄။ စာချုပ်ချုပ်ဆိုခြင်းနှင့် မှတ်ပုံတင်ခြင်းအမွေဆိုင်များအားလုံး (သို့မဟုတ်) GPA ရရှိထားသူက တရားဝင်အရောင်းအဝယ်စာချုပ် (သို့) ငှားရမ်းစာချုပ်ကို ရေးဆွဲရမည်။
အရောင်းအဝယ်ပြုလုပ်ပါက မှတ်ပုံတင်ရုံးတွင် မှတ်ပုံတင်စာချုပ် (Registered Sale Deed) ချုပ်ဆိုခြင်းဖြင့်သာ တရားဝင်မှုရှိမည်။

၅။ မြေပုံ/မြေရာဇဝင် အမည်ပြောင်းခြင်းအရောင်းအဝယ်ပြီးစီးပါက ဝယ်ယူသူအနေဖြင့် မြေပုံ/မြေရာဇဝင် (သို့) အိမ်ရာမြေ အမည်ပြောင်းလဲမှုကို သက်ဆိုင်ရာ မြေစာရင်းဌာန/စည်ပင်သာယာတွင် ဆက်လက်ဆောင်ရွက်ရပါမည်။

အရေးကြီးသောအချက်များအမွေဆိုင်တစ်ဦးဦးမှာ လူမမယ် (Minor) ဖြစ်ပါက တရားရုံး၏ ခွင့်ပြုချက် (Guardianship Certificate) လိုအပ်သည်။

အရောင်းအဝယ်မလုပ်မီ အမွေပိုင်ဆိုင်မှု အငြင်းပွားမှု ရှိ/မရှိ သေချာစစ်ဆေးပါ။

စုစည်းရေးသားသူ

By Nyan Lin Htet (PGDL-18)

www.nyanlinhtet.name